Foydalanish shartlari

Capuz’dan foydalanib, siz quyidagi shartlarga rozilik bildirasiz.

1. Xizmat

Capuz o‘zbek tilidagi videolar uchun nutqni avtomatik matnga aylantiradi va subtitr qo‘yadi. Ilova hozir sinov bosqichida: xizmat “boricha” taqdim etiladi, vaqti-vaqti bilan uzilishlar va avtomatik matnda xatolar bo‘lishi mumkin. Subtitrni e’lon qilishdan oldin tekshirib chiqing.

2. Hisob

Subtitr yaratish uchun Sign in with Apple yoki Google orqali hisob kerak. Hisobingiz orqali bajarilgan harakatlar uchun siz javobgarsiz.

• Hisob shaxsiy. Hisobni, jumladan pullik tarifni, boshqa odamlarga berish, ular bilan ulashish yoki sotish taqiqlanadi.
• Bir vaqtda bitta qurilma. Hisobga yangi qurilmadan kirilsa, oldingi qurilmadagi sessiya avtomatik yopiladi va u yerda qayta kirish kerak bo‘ladi.
• Qurilmani almashtirish cheklangan: 7 kun ichida ko‘pi bilan 3 marta. Limit tugasa, yangi qurilmadan kirish 7 kunlik muddat o‘tgach ochiladi. Telefoningiz almashgan yoki yo‘qolgan bo‘lsa — [email protected] ga yozing, yordam beramiz.
• Hisobni ulashish yoki limitlarni chetlab o‘tishga urinish aniqlansa, hisob ogohlantirishsiz to‘xtatilishi mumkin; bunday holatda to‘langan summa qaytarilmaydi.

3. Tariflar va limitlar

• Free — bepul, haftasiga 3 ta video, har biri 60 soniyagacha; eksportda “capuz.uz” belgisi.
• Pro — 29 000 so‘m: kuniga 10 daqiqa, 3 tagacha video.
• Max — 49 000 so‘m: kuniga 60 daqiqa, 10 tagacha video.
• Ultra — 79 000 so‘m: kuniga 200 daqiqa, 20 tagacha video.

Pullik tarif to‘lovdan keyin 30 kun amal qiladi va avtomatik yangilanmaydi; shu tarifni qayta olsangiz muddat uzayadi. Kun va hafta Toshkent vaqti bilan yangilanadi. Narx va limitlar o‘zgarishi mumkin — bu allaqachon to‘langan muddatga ta’sir qilmaydi.

4. To‘lov va qaytarish

To‘lov Click orqali amalga oshadi. Xizmat bizning aybimiz bilan ishlamay qolsa yoki pul yechilib tarif yoqilmasa — [email protected] ga yozing, muddat uzaytiriladi yoki pul qaytariladi. Server xatosi bilan tugagan subtitr ishi limitdan yechilmaydi.

Capuz balansi va taklif kodi

• Do‘st kodini ro‘yxatdan o‘tgach 7 kun ichida kiritgan foydalanuvchi sovg‘a balans oladi; kod egasi do‘st birinchi subtitrini yaratganda mukofot va do‘st har gal pul to‘laganda to‘lovning bir qismini balans sifatida oladi.
• Balans faqat Capuz tariflari uchun ishlatiladi, naqd pulga almashtirilmaydi va boshqa hisobga o‘tkazilmaydi.
• Bitta qurilmadan faqat bitta yangi hisob taklif qilinadi; oyiga mukofot beriladigan do‘stlar soni cheklangan. Soxta hisoblar yoki aldov aniqlansa, mukofotlar bekor qilinadi.
• Mukofot miqdori va qoidalari oldindan e’lon qilingan holda o‘zgarishi mumkin; allaqachon berilgan balans saqlanadi.

5. Sizning kontentingiz

Videolaringiz va subtitrlar sizniki. Siz ularni qayta ishlash huquqiga ega ekaningizni tasdiqlaysiz. Qonunga zid, boshqalarning huquqini buzadigan yoki zo‘ravonlikka chaqiruvchi kontent uchun Capuz’dan foydalanish taqiqlanadi.

6. Javobgarlik

Capuz avtomatik matnning to‘liq aniqligiga kafolat bermaydi va undan foydalanish natijasidagi bilvosita zararlar uchun javob bermaydi. Javobgarlik har qanday holatda oxirgi 30 kunda to‘langan summa bilan cheklanadi.

7. Bekor qilish

Hisobingizni istalgan vaqtda Profil’dan o‘chirishingiz mumkin. Shartlar jiddiy buzilsa, hisob to‘xtatilishi mumkin.

8. Aloqa

[email protected] · Maxfiylik: capuz.uz/privacy